20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
ԲՀԿ-ն դատապարտում է Ռոբերտ Քոչարյանի նկատմամբ քրեական հետապնդումը
Քաղաքականություն
27.08.2026 | 21:16
«Բարգավաճ Հայաստան» կուսակցությունը հայտարարություն է տարածել՝ դատապարտելով ՀՀ երկրորդ նախագահ Ռոբերտ Քոչարյանի և նրա ընտանիքի անդամների նկատմամբ քրեական հետապնդումները:
Հայտարարությունը ներկայացնում ենք ստորև.
««Բարգավաճ Հայաստան» կուսակցությունը դատապարտում է ՀՀ երկրորդ նախագահ Ռոբերտ Քոչարյանի և նրա ընտանիքի անդամների նկատմամբ ակնհայտ քաղաքական հետապնդումները:
«Հրահանգավորված» և «թիրախավորված» արդարադատությունը չպետք է տեղ ունենա ցանկացած ժողովրդավար պետության կյանքում։
Իրավական որոշակիության հիմնարար նորմերի անտեսման նմանատիպ դրսևորումներն անթույլատրելի են և վտանգում են պետականության հիմքերը»։
Ավելի վաղ հայտարարություն էր տարածել նաև «Ուժեղ Հայաստան»-ը։
Հիշեցնենք՝ օգոստոսի 25-ին իրավապահները խուզարկություններ էին իրականացրել Քոչարյաններին պատկանող մի շարք հասցեներում և ձերբակալել Ռոբերտ Քոչարյանին, նրա որդուն՝ Սեդրակ Քոչարյանին ու այլ անձանց։ Սեդրակ Քոչարյանը կալանավորվել էր, իսկ Ռոբերտ Քոչարյանի ինքնազգացողությունը վատացել էր, ու նա տեղափոխվել էր բժշկական կենտրոն հետազոտության։ Նախօրեին Ռոբերտ Քոչարյանին տեղափոխել էին Հակակոռուպցիոն դատարան ու կալանավորելու միջնորդություն ներկայացրել։ Այսօր դատարանը միջնորդությունը բավարարել է։
