20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Նեպալում ջրհեղեղի հետևանքով զոհերի թիվը հասել է 362-ի
Քաղաքականություն
27.08.2026 | 20:58
Նեպալի ու Տիբեթի սահմանին տեղի ունեցած ավերիչ ջրհեղեղների հետևանքով զոհվել է առնվազն 359 մարդ։ Այս մասին հայտնել է Նեպալի ոստիկանությունը՝ աղետից մեկ օր անց հրապարակված թարմացված տվյալներով, գրում է France24-ը։
«Հինգշաբթի ժամը 17:00-ի դրությամբ՝ զոհվել է 359 մարդ»,- ասվում է Նեպալի ոստիկանության հայտարարության մեջ։
Չինաստանի պետական լրատվամիջոցներն ավելի վաղ հայտնել էին Տիբեթի սահմանային կարևոր հանգույցում սելավի հետևանքով «մեծաթիվ զոհերի» մասին։ Հաղորդվել էր երեք զոհի մասին, ինչի արդյունքում ընդհանուր զոհերի թիվը հասել է առնվազն 362-ի։
Միաժամանակ, Նեպալն ու Չինաստանը նախազգուշացրել են Հիմալայներում նոր ջրհեղեղների վտանգի մասին։ Երկու լճեր, որոնք ձևավորվել են երկու երկրների սահմանի տարբեր կողմերում, սպառնում են ճեղքել իրենց ափերը, մինչ տարածաշրջանը դեռևս պայքարում է այս շաբաթ տեղի ունեցած աղետալի ջրհեղեղի հետևանքների դեմ։
Որոնողափրկարարական աշխատանքները շարունակվում են։ Գրեթե 1,000 մարդ շարունակում է անհետ կորած համարվել։
Երկու երկրներն էլ ջրհեղեղի պատճառ են համարում սառցադաշտի փլուզումը։ Նեպալի աղետների կառավարման մարմինը հինգշաբթի նախազգուշացում է տարածել, որ ջրհեղեղի վայրում գետի հունը փակելու հետևանքով առաջացած լիճը շարունակում է բարձրանալ, և կա դրա ճեղքման ու ջրի արտահոսքի վտանգ։
Թարգմանությունը՝ Էմմա Չոբանյանի
