26.08.2026 | 16:17
Իրինա Յոլյանի ճեպազրույցը. ՈւՂԻՂ
Գործող օլիմպիական չեմպիոն Ալիսա Լյուն բաց կթողնի գեղասահքի նոր մրցաշրջանը
26.08.2026 | 15:39
Կրկնակի օլիմպիական չեմպիոն, ամերիկացի գեղասահորդ Ալիսա Լյուն հայտարարել է, որ բաց կթողնի 2026/2027 մրցաշրջանը:
«Սիրելի՛ երկրպագուներ, մինչ մյուսները ներկայացնում են իրենց ծրագրերը, ես օգտվում եմ այս առիթից հայտարարելու, որ այս մրցաշրջանում չեմ մասնակցելու մրցումներին։ Ես միշտ ձգտում եմ նոր մարտահրավերների՝ իմ արտիստիզմը և սահքը զարգացնելու համար։ Ինձ համար կարևոր է, որ իմ սպորտաձևը արտացոլի իմ անձնական աճը։ Ինձ որոշ ժամանակ է հարկավոր հարմարվելու, մանրամասները կատարելագործելու և այլ հարցերի համար։ Մի անհանգստացեք, ես կվերադառնամ, բայց առայժմ ես կաջակցեմ իմ թիմին։ Շուտով կհանդիպենք»,- սոցցանցերում գրել է Ալիսա Լյուն:
Հիշեցնենք, որ 2026 թ. Իտալիայում կայացած օլիմպիական խաղերում 21-ամյա գեղասահորդը չեմպիոն էր դարձել կանանց մենասահքում ու թիմային պայքարում:
Դավիթ Եղիազարյան
