Սաուդյան Արաբիայի առաջնության երրորդ տուրում գործող չեմպիոն «Ալ Նասրը» մրցակցի խաղադաշտում 3:2 հաշվով առավելության է հասել «Ալ Իթիֆակի» նկատմամբ:
Հանդիպման 12-րդ րոպեին խաղադաշտից հեռացվել է «Ալ Նասրի» դարպասապահ Բենտուն, ինչից հետո դաշտի տերերը երկու գոլ են խփել առաջին խաղակեսում ու ընդմիջման գնացել 2:0 հաշվի պայմաններում:
Պորտուգալացի հարձակվող Կրիշտիանու Ռոնալդուն փոխարինման է մտել ընդմիջմանը և օգնել հյուրերին հասնել կամային հաղթանակի: 2:0 հաշիվը պահպանվել է մինչև 74-րդ րոպեն, երբ սենեգալցի հարձակվող Սադիո Մանեն կրճատել է հաշվի տարբերությունը: 4 րոպե անց Աբդուլելա Ալ-Ամրին հաշիվը դարձրել է 2:2, իսկ 90-րդ րոպեն Մանեն դարձել է դուբլի հեղինակ ու հաղթանակ պարգևել «Ալ Նասրին»:
«Ալ Նասրը» 9 միավորով գլխավորում է մրցաշարային աղյուսակը:
Դավիթ Եղիազարյան
