11.10.2026 | 09:46
Մեսին ու Սուարեսը երկուական գոլ են խփել. ՏԵՍԱՆՅՈՒԹ
Աննա Գրիգորյանը պատասխանեց Փաշինյանի հայտարարություններին. ՏԵՍԱՆՅՈՒԹ
Քաղաքականություն
25.08.2026 | 19:34
«Հայաստան» խմբակցության ղեկավար Աննա Գրիգորյանը լրագրողների հետ ճեպազրույցում անդրադարձավ Նիկոլ Փաշինյանի՝ Ազգային ժողովում հնչեցրած հայտարարություններին՝ դրանք որակելով քաղաքական ճնշման և ընդդիմախոսներին լռեցնելու փորձ։
Փաշինյանի այն հայտարարությանը, թե Գրիգորյանը հեղափոխության մեջ «փող չտեսնելուց» հետո դարձել է «սանասարական» պատգամավորը հակադարձեց, որ եթե իր նպատակը փող աշխատելը լիներ, ինքը կմնար իշխանական թիմում։ Գրիգորյանի խոսքով՝ Արցախում տեղի ունեցած ողբերգությունից հետո ինքը հնչեցրել է իր քաղաքական գնահատականը և դիրքորոշումը։
«Եթե ես իսկապես ուզենայի փող աշխատել, ես, վստահաբար, կմնայի այդ թիմում և իրենց նման փող կաշխատեի»,- ասաց ընդդիմադիր պատգամավորը՝ ընդգծելով, որ պատրաստ է հրաժարվել մանդատից, եթե իր քաղաքական գործունեության ընթացքում որևէ մեկը իրեն թեկուզ 10 դրամ է տվել քաղաքական գործունեության համար։
Գրիգորյանն անդրադարձավ նաև Փաշինյանի՝ իրեն ուղղված «կրքոտ հռետորի հետևից քաղաքականություն մտնելու» և «քոչարյանասերժական կլանի ներկայացուցիչ» դառնալու մասին հայտարարություններին։
Նրա խոսքով՝ Փաշինյանի այդ բնորոշումները բովանդակային պատասխան չեն պահանջում, իսկ ինքը քաղաքականություն է մտել իշխանափոխության օրակարգին աջակցելով, սակայն հետագայում Փաշինյանը այդ օրակարգը փոխել է։
«Ի՞նչ է ասում․ որ ես, այո՛, քաղաքականություն մուտք եմ գործել՝ սատարելով իշխանափոխության օրակարգը, և ճիշտ է ասում, բայց հետո ինքը այդ իշխանափոխության օրակարգի հետ ի՞նչ արեց․ դարձրեց Արցախի հանձնման օրակարգ, որը իմ օրակարգը չի եղել, և ես, բնականաբար, չէի կարող շարունակել այդ իշխանության մաս կազմել»,- նշեց պատգամավորը։
Մանրամասները՝ տեսանյութում։
Արփի Հակոբյան
