16.09.2026 | 10:00
Ազգային ժողովի նիստը՝ ՈՒՂԻՂ
Մաքս Ֆերստապենը դարձել Ֆորմուլա-1-ի ամենաբարձր վարձատրվող արշավորդը
25.08.2026 | 18:02
Ֆորմուլա-1-ի քառակի չեմպիոն Մաքս Ֆերստապենը «Ռեդ Բուլ» թիմի հետ նոր պայմանագրով կստանա տարեկան 100 միլիոն դոլար աշխատավարձ, հաղորդում է GPblog-ը՝ հղում անելով ինսայդեր Ջո Սեյվարդը:
Բոնուսների հետ միասին նիդերլանդցի ավտոարշավորդի տարեկան եկամուտը կարող է հասնել մինչև 120 միլիոն դոլարի: Ֆերստապենը շրջանցել է «Ֆերարիի» ներկայացուցիչ Լյուսի Հեմիլթոնին ու դարձել Ֆորմուլա-1-ի ամենաբարձր վարձատրվող ավտոարշավորդը:
28-ամյա արշավորդը վերջերս էր մինչև 2030 թվականը երկարաձգել գործող պայմանագիրը:
Ֆերստապենը 2016 թվականից է հանդես գալիս «Ռեդ Բուլում», որի կազմում դարձել է Ֆորմուլա-1-ի քառակի չեմպիոն: Նա տիտղոս է նվաճել 2021, 2022, 2023 և 2024 թվականներին, հաղթել է 71 Մեծ մրցանակ ու 131 անգամ բարձրացել պատվո հարթակ:
Հիշեցնենք, որ Նիդերլանդներում կայացած նախորդ Մեծ մրցանակում Մաքս Ֆերստապենը վթարի էր ենթարկել ու չէր կարողացել ավարտել մրցումը:
Դավիթ Եղիազարյան
