Ռուսաստանի հավաքականը երրորդ անգամ անընդմեջ չի մասնակցի շախմատի Համաշխարհային օլիմպիադային: Այդ մասին հայտարարել է Ռուսաստանի շախմատի ֆեդերացիայի գործադիր տնօրեն Ալեքսանդր Տկաչևը, հաղորդում է Tass.ru-ն:
Համաշխարհային օլիմպիադան կկայանա սեպտեմբերի 16-27-ը Ուզբեկստանի Սամարղանդ քաղաքում: Ռուսաստանի հավաքականը բաց է թողել նաև 2022 և 2024 թթ. մրցումները:
Հիշեցնենք, որ Հայաստանի հավաքականը Համաշխարհային օլիմպիադային մասնակցելու է հետևյալ կազմով՝ Հայկ Մարտիրոսյան, Շանթ Սարգսյան, Ռոբերտ Հովհաննիսյան, Գաբրիել Սարգսյանը և Մանուել Պետրոսյան։ Հայաստանի թիմն 9-րդն է վարկանիշով:
