16.09.2026 | 10:32
Սան Պաուլո. Էլինա Ավանեսյանը հաղթել է և կարող է մրցել Ալինա Չարաևայի հետ
ԵԱ. Արթուր Դավթյանը մեդալ չնվաճեց
22.08.2026 | 20:32
Օլիմպիական խաղերի փոխչեմպիոն ու բրոնզե մեդալակիր, աշխարհի չեմպիոն, Եվրոպայի եռակի չեմպիոն Արթուր Դավթյանը չկարողացավ մեդալ նվաճել Խորվաթիայի մայրաքաղաք Զագրեբում ընթացող սպորտային մարմնամարզության Եվրոպայի առաջնությունում։
Հենացատկի վարժության եզրափակիչում Դավթյանը զբաղեցրեց 8-րդ տեղը:
Արթուր Դավթյանը փայլուն կատարեց առաջին ցատկը և արժանացավ ամենաբարձր միավորին` 14.833: Սակայն նա ձախողեց երկրորդ ցատկը, ստացավ 13.366 միավոր ու մնաց առանց մեդալի:
Եվրոպայի չեմպիոնի կոչումը նվաճեց ուկրաինացի Նազար Չեպուրնին, որը հավաքեց 14.566 միավոր:
Հայաստանի հավաքականը ԵԱ-ում ունի մեկական ոսկե, արծաթե ու բրոնզե մեդալ։ Ավելի վաղ Արթուր Ավետիսյանը Եվրոպայի չեմպիոն էր դարձել օղակների վարժությունում, իսկ նժույգ թափեր վարժությունում Համլետ Մանուկյանն արժանացել էր արծաթ մեդալի, Մամիկոն Խաչատրյանը` բրոնզե։
Դավիթ Եղիազարյան
