Սիսիանի «Մայիսի 28» զբոսայգու 7 հողատարածք վերադարձվել է համայնքին

Դատախազական ներգործության արդյունքում Սիսիանի «Մայիսի 28» զբոսայգում 5 անձի տրամադրված 7 հողատարածք՝ ընդհանուր 4103.68 քմ մակերեսով, արդեն վերադարձվել է համայնքի տիրապետմանը։ Եվս 12 անձի տրամադրված 13 հողատարածքների վերադարձի գործընթացը շարունակվում է։

«Սյունիքի մարզի դատախազությունը, պետական (համայնքային) շահերի պաշտպանության լիազորության շրջանակում, ուսումնասիրել է Սյունիքի մարզի Սիսիան համայնքի Սիսիան քաղաքի «Մայիսի 28» զբոսայգու տարածքում գտնվող հողամասերը տարբեր անձանց տրամադրելու վերաբերյալ փաստաթղթերը:

Ուսումնասիրության արդյունքում պարզվել է, որ Սիսիան քաղաքի «Մայիսի 28» զբոսայգու տարածքում գտնվող՝ 1/2-1 հողամաս հասցեում գտնվող՝ 0,0450 հա մակերեսով հողատարածքը, օրենքի պահանջների խախտմամբ, կառուցապատման իրավունքով հատկացվել է ֆիզիկական անձի:

Դատախազի կողմից միջնորդագիր է հասցեագրվել Սիսիան համայնքի ղեկավարին՝ Սիսիան համայնքի և կառուցապատողի միջև 2007 թվականի օգոստոսի 14-ին կնքված կառուցապատման իրավունքը դադարեցնելու ուղղությամբ միջոցներ ձեռնարկելու վերաբերյալ:

Միջնորդագրի հիման վրա, Սիսիանի համայնքապետարանի իրավասու մարմինների կողմից ձեռնարկված միջոցառումների արդյունքում, Կադաստրի կոմիտեում դադարեցվել է Սիսիան համայնքի «Մայիսի 28» զբոսայգում գտնվող՝ 0,0450 հա մակերեսով, 845 հազար դրամ շուկայականին մոտարկված կադաստրային արժեքով հողամասի նկատմամբ գրանցված կառուցապատման իրավունքը. հողամասը վերադարձվել է Սիսիան համայնքի տիրապետմանը:

Նշենք, որ Սյունիքի մարզի Սիսիան համայնքի «Մայիսի 28-ի» անվան զբոսայգին զբաղեցնում է 9595.68 քմ տարածք, որտեղ գտնվող հողատարածքները կառուցապատման իրավունքով կնքված պայմանագրերով հատկացվել են 17 անձի:

Դատախազական ներգործության արդյունքում՝ նշված այգում գտնվող հողատարածքներից Սիսիան համայնքին արդեն վերադարձվել է 5 անձի տրամադրված 4103,68 քմ մակերեսով 7 հողատարածք: Դրանք են՝

1. 0,0450 հա մակերեսով հողամասը,
2. 0,05 հա մակերեսով հողամասը,
3. 0,0451 համակերեսով հողամասը,
4. 0,08 հա մակերեսովհողամասը,
5. 0,02 համակերեսով հողամասը,
6. 0,0402 հա մակերեսովհողամասը,
7. 0,13 հա մակերեսովհողամասը:

12 անձի տրամադրված 13 հողատարածքները համայնքին վերադարձնելու աշխատանքներն ընթացքի մեջ են»,- ասված է Գլխավոր դատախազության տարածած հաղորդագրությունում։