05.11.2026 | 23:32
Հայաստան-Լիտվա համագործակցություն․ Վահան Կոստանյանը աշխատանքային այցով մեկնել է Վիլնյուս
Ավետիք Չալաբյանի կալանքը չերկարաձգվեց․ նա անհապաղ ազատ արձակվեց դատարանի դահլիճից
Հասարակություն
21.08.2026 | 15:03
Դատավոր Դավիթ Բալայանը որևէ խափանման միջոց չկիրառեց «ՀայաՔվեի» համակարգող Ավետիք Չալաբյանի նկատմամբ։
«Դատարանը գտնում է, որ որևէ խափանման միջոց կիրառելու անհրաժեշտությունը բացակայում է։ Որոշումը վարույթի մասնակիցներին կտրամադրվի եռօրյա ժամկետում, այն կարող է բողոքարկվել Վերաքննիչ դատարան՝ ստանալու պահից 10 օրվա ընթացքում»,-ասաց նա։
Չալաբյանին անհապաղ ազատ արձակեցին դատարանից։ Հիշեցնենք, որ հանրային մեղադրողը պահանջել էր Չալաբյանի խափանման միջոց կալանքը երկարաձգել ևս երկու ամսով:
Ավետիք Չալաբյանին մեղադրանք է առաջադրվել ընտրողների ընտրական իրավունքին խոչընդոտելու նախապատրաստության համար (մի խումբ անձանց կողմից նախնական համաձայնությամբ և իշխանական լիազորությունների օգտագործմամբ): Ավետիք Չալաբյանն իրեն առաջադրված մեղադրանքը չի ընդունել` որակելով այն «ծայրից ծայր սուտ»:
Եվգենյա Համբարձումյան
