27.09.2026 | 13:23
ԱՄՆ մեկնել զբոսաշրջային վիզայով՝ ծննդաբերելու և երեխային քաղաքացիություն ապահովելու նպատակով, չի թույլատրվում․ դեսպանություն
«Մարտին սթար»-ի վանիլային պաղպաղակի արտադրության կասեցումը վերացվել է
21.08.2026 | 15:19
ՍԱՏՄ-ն վերացրել է «Մարտին սթար» ընկերության կաթնամթերքի արտադրամասում վանիլային կաթնային պաղպաղակի արտադրության կասեցումը։ Կրկնակի լաբորատոր փորձաքննությամբ հաստատվել է, որ արտադրատեսակն անվտանգ է։
««Մարտին սթար» ՍՊ ընկերությանը պատկանող կաթնամթերքի արտադրամասում (ք. Երևան, Աշտարակի խճուղի) արտադրված «Կաթնային պաղպաղակ բրիկետ վանիլային» արտադրատեսակն անվտանգ է. այդ փաստն արձանագրվել է լաբորատոր կրկնակի փորձաքննությամբ:
Հիմք ընդունելով վերոնշյալը՝ Սննդամթերքի անվտանգության տեսչական մարմնի ղեկավարը որոշում է ստորագրել կաթնամթերքի այդ արտադրամասի արտադրական գործունեության առանձին գործառույթի՝ «Կաթնային պաղպաղակ բրիկետ վանիլային» արտադրատեսակի արտադրության, կասեցումը վերացնելու մասին»,- ասված է ՍԱՏՄ-ի տարածած հաղորդագրությունում։
