16.09.2026 | 11:04
Նիկոլ Փաշինյանը Հեսսենի խաղաղության մրցանակ կստանա
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Քաղաքականություն
18.08.2026 | 23:01
Factor TV-ի հետ զրույցում ԱԺ «Քաղաքացիական պայմանագիր» խմբակցության պատգամավոր Տարոն Չախոյանը խոսել է վարչապետի աշխատակազմում իր նախկին աշխատանքի մասին՝ նշելով, որ համակարգել է նաև ապատեղեկատվության դեմ պայքարի ուղղությունը։
«Այդ թվում նաև ապատեղեկատվության բլոկն էի համակարգում, այն ապատեղեկատվությունը, որը տարիներ շարունակ ընդդիմությունը փորձում էր կապել իշխանության վզին»,- ասել է Չախոյանը։
Factor TV-ի լրագրողի հարցին՝ արդյոք խոսքը նաև ընդդիմադիր գործիչների լուսանկարները բացասական գրառումներ տարածելն է եղել իր աշխատանքի մի մասը, Չախոյանը պատասխանել է, որ հնարավոր է՝ նման հրապարակումներ արել է իր էջում, բայց նշում է` դրանք քաղաքական կարծիք են եղել։
«Հնարավոր է՝ ես տեղադրել եմ իմ էջում, դա թաքցրած բան չէ, որևէ ընդդիմադիր գործչի արած հայտարարություն ու արտահայտություն և գնահատական եմ տվել դրանց՝ քաղաքական»,- ասել է պատգամավորը։
Հարցին, թե «այդ թվում նաև» ապատեղեկատվության դեմ պայքար ասելով՝ ինչ այլ աշխատանք էր կատարում, Չախոյանը նշել է, որ նաև կատարում էր վարչապետի աշխատակազմի ղեկավարի տված հանձնարարականները։
Մանրամասները` տեսանյութում։
Նարեկ Կիրակոսյան
