16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՌԴ ԿԸՀ նախագահը հայտարարել է, որ «երկիրը լքած և դավաճանած» ռուսները պետք է զրկվեն ընտրություններում քվեարկելու իրավունքից
Քաղաքականություն
18.08.2026 | 20:28
Ռուսաստանի Կենտրոնական ընտրական հանձնաժողովի ղեկավար Էլլա Պամֆիլովան «Կոմսոմոլսկայա պրավդա» ռադիոկայանին տված հարցազրույցում կոչ է արել երկիրը «լքած և դավաճանած» ռուսաստանցիներին զրկել քվեարկելու իրավունքից, փոխանցում է Meduza-ն։
Հաղորդավարի հարցին՝ արդյո՞ք սա վերաբերում է միայն Ռուսաստանում «օտարերկրյա գործակալներ» հայտարարված անձանց, թե՞ բոլոր այն ռուսաստանցիներին, որոնք չեն սատարել պատերազմն ու լքել են երկիրը, Պամֆիլովան պատասխանել է, որ իրավապահ մարմինները և Պետդուման պետք է որոշեն նրանց «ընդհանուր կատեգորիան», ովքեր ապագայում կարող են զրկվել քվեարկելու իրավունքից։
Պամգիլովայի խոսքով՝ Հանձնաժողովը սպասում է, որ սեպտեմբերյան ընտրությունների ժամանակ, «անբարյացակամ» պետություններում քվեարկության ժամանակ, «երկրից փախած մարդիկ», իբր, պատրաստվում են պիկետներ անցկացնել և «տարբեր սադրանքներ» իրականացնել՝ «ընտրությունները խափանելու և վարկաբեկելու համար»։ Պամֆիլովան նաև ընդգծել է, որ Ռուսաստանն այժմ ունի արտասահմանում քվեարկության վերաբերյալ «ամենալիբերալ» օրենսդրությունը։
