11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Եթե Էրդողանը ասեց՝ անոթի չի կարելի «Էսպրեսո» խմել, պետք ա վերանայե՞նք մեր սովորույթը․ Արման Եղոյան․ ՏԵՍԱՆՅՈՒԹ
Քաղաքականություն
18.08.2026 | 17:57
Ազգային ժողովում Առողջապահության հարցերի հանձնաժողովի նախագահի թեկնածուի ընտրության հարցի քննարկման ժամանակ «Քաղաքացիական պայմանագիր» խմբակցության պատգամավոր Արման Եղոյանը ներկայացրեց ոլորտի բյուջետային աճը՝ նշելով, որ 2018 թվականի 80 միլիարդ դրամի փոխարեն այսօր այն կազմում է 220 միլիարդ։
Նա շեշտեց, որ սա քաղաքական կամքի արդյունք է, որի շնորհիվ գործարկվել է համընդհանուր ապահովագրության համակարգը. «Այս տարի 1,700,000 շահառուներից առողջապահական ապահովագրությունից արդեն իսկ օգտվել է 842,750-ը։ Այսինքն՝ գրեթե ամեն երկրորդ շահառուն օգտվել է այս համակարգից»։
Եղոյանը քննադատեց ընդդիմության այն մոտեցումը, ըստ որի՝ Հայաստանի քայլերը պետք է կախված լինեն Թուրքիայի հայտարարություններից։
«Դուք աշխարհին նայում եք թուրքական ոսպնյակով… Ինչ ցույց տվեց թուրքական ոսպնյակը՝ դրա հակառակը պիտի անեք։ Դուք ցանկանում եք հայկական ինքնությունը կառուցել հակաթուրքականության վրա»,- ասաց նա։
Եղոյանը հավելեց, որ նույնիսկ եթե Էրդողանը ասի, որ առավոտյան անոթի «Էսպրեսո» խմելը վնասակար է, դա չպետք է ստիպի մեզ վերանայել մեր սովորույթները։
Մանրամասները՝ տեսանյութում։
Եվգենյա Համբարձումյան
