16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Դնեպրոպետրովսկի մարզի 16 բնակավայրերից երեխաներով ընտանիքները հարկադիր տարհանվում են
Քաղաքականություն
18.08.2026 | 16:56
Օգոստոսի 18-ին Ուկրաինայի Դնեպրոպետրովսկի մարզի իշխանությունները հայտարարել են Սինելնիկի շրջանի Նիկոլաև, Պետրոպավլովսկա և Ուկրաինսկա համայնքների ևս 16 բնակավայրերից երեխաներ ունեցող ընտանիքների հարկադիր տարհանման մասին։ Այս մասին հայտնել է Դնեպրոպետրովսկի մարզային ռազմական վարչակազմի ղեկավար Ալեքսանդր Գանժան, փոխանցում է «Украинская правда»-ն։
«Երեխաներ ունեցող ընտանիքները պետք է մեկ ամսվա ընթացքում հեռանան։ Ծնողները, խնամակալները կամ օրինական ներկայացուցիչները պետք է 2177 տղաների և աղջիկների տեղափոխեն ավելի անվտանգ վայրեր»,- ասել է նա։
Ընտանիքների տեղափոխությանն օգնում են Ազգային ոստիկանությունը և բարերարները։ Նրանց կօգնեն նոր բնակարաններ գտնելու հարցում։
«Նախ մարդիկ տեղափոխվում են տարանցիկ կենտրոններ։ Այնուհետև, անհրաժեշտության դեպքում, նրանց օգնում են վերաբնակվելու հարցում»,- նշել է Գանժան։
Մինչ այս էլ, հունիսին հայտարարվել էր Դնեպրոպետրովսկի մարզի Սինելնիկովսկի շրջանի 23 բնակավայրերից երեխաներ ունեցող ընտանիքների հարկադիր տարհանման մասին։ Մարզ ռուսական կողմի պարբերական կրակի տակ է հայտնվում։
