27.09.2026 | 13:23
ԱՄՆ մեկնել զբոսաշրջային վիզայով՝ ծննդաբերելու և երեխային քաղաքացիություն ապահովելու նպատակով, չի թույլատրվում․ դեսպանություն
ՌՊԼ-ն ու «Կրասնոդարն» արձագանքել են Էդուարդ Սպերցյանի հաջող նորամուտին Սաուդյան Արաբիայի առաջնությունում
14.08.2026 | 15:50
Ռուսաստանի Պրեմիեր լիգան ու Էդուարդ Սպերցյանի նախկին ակումբ «Կրասնոդարն» արձագանքել են Հայաստանի ազգային հավաքականի ավագի հաջող նորամուտին Սաուդյան Արաբիայի առաջնությունում: «Ալ Ահլիի» նորեկը խփել էր «Ալ Դիրիյահի» դեմ տնային հանդիպման միակ ու հաղթական գոլը:
«Էդուարդ Սպերցյանին 25 րոպե պահանջվեց պաշտոնական խաղում «Ալ Ահլիի» կազմում գոլ խփելու համար։ Շարունակի՛ր նույն ոգով, Էդո»,- տելեգրամյան ալիքում գրել է ՌՊԼ-ի մամուլի ծառայությունը:
«Էդո, ինչ լավն ես դու։ Առաջին հանդիպումն «Ալ Ահլիում», և անմիջապես նորամուտի գոլ ու հաղթանակ Սաուդյան Արաբիայի առաջնության մեկնարկային տուրում։ Մեր առաջատար»,- նշված է «Կրասնոդարի» տելեգրամյան ալիքում։
Հիշեցնենք, որ 26-ամյա հայ կիսապաշտպանը հուլիսի 7-ին ռուսական «Կրասնոդարից» է տեղափոխվել «Ալ Ահլի», որի հետ կնքել է 4 տարվա պայմանագիր։
