06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
Թուրքիայի ԱԽ-ն Էրդողանի գլխավորությամբ կքննարկի Հարավային Կովկասում իրավիճակը
Քաղաքականություն
06.08.2026 | 12:45
Թուրքիայի Ազգային անվտանգության խորհուրդն այսօր հերթական նիստն է գումարելու, որի օրակարգային թեմաներից է լինելու նաև Հարավային Կովկասը։ TRT Haber-ի հաղորդմամբ՝ Ազգային անվտանգության խորհուրդը նախագահական Բեշթեփե համալիրում կհավաքվի նախագահ Ռեջեփ Թայիփ Էրդողանի գլխավորությամբ, հիմնական օրակարգային հարցը կլինի «Թուրքիան առանց ահաբեկչության» գործընթացը։
Կքննարկվեն նաև տարածաշրջանային և միջազգային անվտանգության այլ հարցեր։
Հանդիպման ընթացքում նախատեսվում է համապարփակ գնահատել ԱՄՆ-ի և Իրանի միջև շարունակվող ճգնաժամի, ինչպես նաև Սև ծովում նավարկության անվտանգության վերաբերյալ դիվանագիտական նախաձեռնությունները։ Քննարկվող թեմաների շարքում են նաև Կիպրոսի վերջին զարգացումները, Սիրիայում և Իրաքում իրավիճակը, տարածաշրջանում Իսրայելի հարձակումները և Ռուսաստան-Ուկրաինա հակամարտությունը։
Բացի այդ, օրակարգում են լինելու Հարավային Կովկասում և Աֆրիկայում տեղի ունեցող զարգացումները։
Թարգմանությունը՝ Էմմա Չոբանյանի
