05.11.2026 | 14:15
Լեբրոն Ջեյմսը ևս մեկ ռեկորդ է սահմանել NBA-ում. ՏԵՍԱՆՅՈՒԹ
ԵՄ-ն Ուկրաինային 1,4 միլիարդ եվրո կտրամադրի ռուսական սառեցված ակտիվներից
Քաղաքականություն
05.08.2026 | 15:43
Եվրամիությունը 1,4 միլիարդ եվրո կհատկացնի Ուկրաինային Ռուսաստանի սառեցված ակտիվներից։ Միջոցները կօգտագործվեն պաշտպանության համար։
«Մենք կրկին արթնանում ենք Ռուսաստանի կողմից Ուկրաինայի վրա իրականացված օդային հարձակումների միջոցով սարսափելի վայրագությունների մասին լուրերով։ Ռուսաստանը պետք է վճարի իր պատճառած ավերածությունների համար։ Եվ մենք օգտագործում ենք արգելափակված ռուսական եկամուտը՝ դա ապահովելու համար։ Մենք դրանից ևս 1,4 միլիարդ եվրո ենք տրամադրում Ուկրաինային։ Սա կաջակցի Ուկրաինայի շարունակական դիմադրությանը Ռուսաստանի անօրինական պատերազմի դեմ»,- գրել է Եվրահանձնաժողովի նախագահ Ուրսուլա ֆոն դեր Լայենը X-ի իր միկրոբլոգում։
Ուկրաինայի վարչապետ Սերգեյ Կորեցկին հաստատել է, որ ԵՄ միջոցներն արդեն ուղարկվում են Ուկրաինա։
«Այս միջոցները կօգտագործվեն մեր պաշտպանությունն ու մեր պետության դիմակայունությունն ամրապնդելու համար։ Ռուսական ահաբեկչությանը պատասխանը պետք է լինի Ուկրաինայի ուժեղացումը։ Ռուսաստանը պետք է վճարի յուրաքանչյուր նոր հանցագործության համար։ Շնորհակալություն մեր բոլոր եվրոպացի գործընկերներին իրենց սկզբունքային դիրքորոշման համար։ Սա մեզ ուժ է տալիս»,- գրել է Կորեցկին։
Հիշեցնենք, որ օգոստոսի լույս 5-ի գիշերը Ռուսաստանը Կիևի վրա լայնածավալ հարձակում էր իրականացրել՝ օգտագործելով հրթիռներ և անօդաչու թռչող սարքեր։
Թարգմանությունը՝ Էմմա Չոբանյանի
