27.09.2026 | 20:00
Չորս համայնքում ՏԻՄ ընտրությունների քվեարկությունն ավարտվել է․ սկսվել է հաշվարկը
Դավիթ Խուդաթյանը Լոռու մարզում ծանոթացել է շինարարական և սուբվենցիոն ծրագրերի ընթացքին
Հասարակություն
01.08.2026 | 13:20
ՀՀ տարածքային կառավարման և ենթակառուցվածքների նախարար Դավիթ Խուդաթյանն աշխատանքային այց է կատարել Լոռու մարզ՝ ծանոթանալու պետական բյուջեի և սուբվենցիոն ծրագրերի շրջանակում իրականացվող աշխատանքներին: Ինչպես հայտնում են տարածքային կառավարման և ենթակառուցվածքների նախարարությունից, Խուդաթյանը Լոռու մարզպետ Արեն Մկրտչյանի, «Ճանապարհային դեպարտամենտ» հիմնադրամի գործադիր տնօրեն Արկադի Չերչինյանի և համայնքապետերի հետ այցելել է մարզի մի շարք համայնքներ։
Նախարարի առաջին կանգառը եղել է Ալավերդի քաղաքը, որտեղ իրականացվում են մեծածավալ շինարարական աշխատանքներ։ Հիմնանորոգվում են փողոցներ, վերականգնվում ջրհեղեղից վնասված հենապատերը, իսկ շուկայի տարածքում կառուցվում է նոր խանութ-տաղավար՝ վաճառողների համար առավել հարմարավետ պայմաններ ապահովելու նպատակով։
Ալավերդիում վերակառուցվում է նաև Լճերի այգին։ Ծրագրի արժեքը գերազանցում է 136 միլիոն դրամը։
Լոռի Բերդ համայնքում Դավիթ Խուդաթյանը, արձակուրդում գտնվող պաշտպանության նախարար Սուրեն Պապիկյանի հետ ծանոթացել է համայնքի ձեռք բերած նոր գյուղատնտեսական տեխնիկային և սուբվենցիոն ծրագրով կառուցված ավտոկայանատեղիին։
¹Ստեփանավան համայնքում նախարարը դիտարկել է քաղաքային այգու և Ալեայի անցուղու մի հատվածի բարեկարգման աշխատանքները։
Ծրագրի շրջանակում հիմնանորոգվել է Ստեփանավանի քաղաքային այգին, տեղադրվել են ժամանակակից կարուսելներ, տարածքն ամբողջությամբ սալիկապատվել է, տնկվել են դեկորատիվ ծառեր և թփեր։
Խուդաթյանը ծանոթացել է նաև Ստեփանավանի Րաֆֆու փողոցի հիմնանորոգման ընթացքին։ Ծրագրի արժեքը շուրջ 312 միլիոն դրամ է։
