18.06.2026 | 15:59
Հարի Քեյնը կրկնել է Դևիդ Բեքհեմի ցուցանիշն ու աշխարհի առաջնությունների ռեկորդ սահմանել
Պակիստանի վարչապետը որպես միջնորդ ստորագրել է ԱՄՆ-Իրան փոխըմբռնման հուշագիրը
Քաղաքականություն
18.06.2026 | 15:01
Պակիստանի վարչապետ Շեհբազ Շարիֆը որպես միջնորդ ստորագրել է ԱՄՆ-ի ու Իրանի միջև փոխըմբռնման հուշագիրը, գրում է CNN-ը։
Համաձայնագրի վերջնական պայմանները բանակցելու համար 60-օրյա ժամանակահատված տրամադրող հուշագիրը ստորագրել են նաև ԱՄՆ նախագահ Դոնալդ Թրամփը և Իրանի նախագահ Մասուդ Փեզեշքիանը։
Պակիստանը կարևոր միջնորդական դեր է խաղացել ԱՄՆ-Իրան բանակցություններում և, Կատարի հետ միասին, ուրբաթ պետք է Շվեյցարիայում կազմակերպեր պաշտոնական ստորագրման արարողություն՝ տեխնիկական բանակցությունների մեկնարկից առաջ։ Սակայն դեռևս պարզ չէ՝ արդյո՞ք այդ արարողությունը տեղի կունենա, քանի որ համաձայնագիրն արդեն ստորագրվել է։
Ավելի վաղ Շարիֆը հայտարարել էր, որ Իսլամաբադի հուշագիրն ուժի մեջ է մտել անմիջապես։ X-ում գրառմամբ նա նշել էր, որ հուշագիրն էլեկտրոնային եղանակով ստորագրվել է երկու երկրների նախագահների կողմից և հավանության է արժանացել Պակիստանի կողմից՝ որպես միջնորդ։
«Համաձայնագրի պայմանների համաձայն՝ Իրանն անմիջապես կբացի ռազմավարական առումով կարևոր Հորմուզի նեղուցը, մինչդեռ ԱՄՆ-ը կվերացնի իր ծովային շրջափակումը»,- նշել է նա։
Թարգմանությունը՝ Էմմա Չոբանյանի
