22.10.2026 | 22:35
Եվրոպա լիգա. «Արարատ-Արմենիան» պարտվեց «ԱԶ Ալկմարին». ՏԵՍԱՆՅՈՒԹ
Թրամփը հերքում է, որ ԱՄՆ-ն Իրանում ներդրումներ կկատարի 300 միլիարդ դոլար ծավալով հիմնադրամի միջոցով
Քաղաքականություն
17.06.2026 | 18:50
ԱՄՆ նախագահ Դոնալդ Թրամփը հերքել է, որ Թեհրանի հետ փոխըմբռնման հուշագրի միջոցով Վաշինգտոնը ներդրումներ կկատարի Իրանի համար նախատեսված 300 միլիարդ դոլար ծավալի վերակառուցման հիմնադրամի միջոցով, ինչպես նաև չի խնդրել Պարսից ծոցի երկրներին՝ պարտավորվել ներդրումներ կատարել, գրում է CNN-ը։
«Դուք կարող եք ներդրումներ կատարել, եթե ցանկանում եք։ Ոչ ոքի երբեք թույլատրված չէ ներդրումներ կատարել։ Ո՛չ, մենք ներդրումներ չենք կատարում, մենք 10 ցենտ չենք ներդնում, և մարդիկ կարող են որոշել դա անել, բայց դա նրանց գործն է։ Մենք ներդրումներ չենք կատարում, և մենք հիմնադրամ չունենք»,- լրագրողներին ասել է Թրամփը Եգիպտոսի նախագահ Աբդել Ֆաթթահ էլ-Սիսիի հետ երկկողմ հանդիպման ժամանակ։
CNN-ը հաղորդում է, որ իր տրամադրության տակ հայտնված հուշագրի նախագծի համաձայն՝ «Միացյալ Նահանգները պարտավորվում է տարածաշրջանային գործընկերների հետ միասին ստեղծել Իրանի Իսլամական Հանրապետության վերականգնման և տնտեսական զարգացման համար երկու կողմերի կողմից համաձայնեցված համապարփակ ծրագիր՝ միաժամանակ ապահովելով առնվազն 300 միլիարդ դոլարի ֆինանսավորում», որի իրականացումը պետք է ձևակերպվի ստորագրումից 60 օր հետո:
Ակնկալվում է, որ Թրամփն այսօր՝ G7-ի վերջին օրը, մամուլի ասուլիս կանցկացնի, որտեղ «մի փոքր կքննարկի Իրանի հետ կնքված գործարքը»։
Թրամփն այսօր նաև հայտարարել է, որ պատերազմը դադարեցնելու ԱՄՆ-Իրան հուշագիրը վերջնական համաձայնագիր չէ՝ հավելելով, որ Միացյալ Նահանգները կվերսկսի հարվածները, եթե Իրանն «իրեն լավ չպահի»։
«Դա փոխըմբռնման հուշագիր է։ Եթե ինձ դուր չգա, եթե նրանք իրենց լավ չպահեն, մենք կվերադառնանք նրանց գլխին ռումբեր նետելուն»,- հավելել է Թրամփը՝ նկատի ունենալով Իրանը։
Թարգմանությունը՝ Էմմա Չոբանյանի
