22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Գագիկ Ծառուկյանը հարցաքննվել է Քննչական կոմիտեում․ նրա նկատմամբ խափանման միջոց է ընտրվել բացակայելու արգելքը
Հասարակություն
10.06.2026 | 15:05
«Բարգավաճ Հայաստան» կուսակցության առաջնորդ Գագիկ Ծառուկյանն այսօր հարցաքննվել է Քննչական կոմիտեում։ Նրան մեղադրանք է ներկայացվել առանձնապես խոշոր չափերի հարկերից խուսափելու հոդվածով։ Քննչական կոմիտեից հայտնում են, որ Ծառուկյանի նկատմամբ խափանման միջոց է ընտրվել բացակայելու արգելքը։
Հիշեցնենք, որ Ծառուկյանը երեկ ցանկացել է մի քանի օրով լքել Հայաստանը, սակայն չի մեկնել։ Այն բանից հետո, երբ մամուլում հրապարակում եղավ այն մասին, որ Ծառուկյանը ցանկացել է լքել Հայաստանը, բայց չի կարողացել, նրա խոսնակ Իվետա Տոնոյանը հայտարարեց․․«Իշխանական քարոզչամեքենան ահասարսուռ վերնագրերով աղաղակում է, թե «Գագիկ Ծառուկյանը փորձել է լքել երկիրը»։ Իսկ հիմա ներկայացնում եմ իրականությունը։ Գագիկ Ծառուկյանը տիկնոջ հետ վաղօրոք պլանավորած 2-3 օրյա այց ուներ՝ խիստ անձնական ու ընտանեկան նպատակներով։ Սա է ամբողջ պատմությունը։ Երբ օդանավակայանում անձնագրային անցակետում Գագիկ Ծառուկյանին ասել են, որ ինչ որ բան պետք է ճշտեն՝ Ծառուկյանը պատասխանել է, որ որևէ բան ճշտել պետք չէ և եթե դա պետք է այլ մեկնաբանության տեղիք տա, ապա ինքը հրաժարվում է ուղևորությունից և վերադառնում է տուն։ Ես հասկանում եմ, որ իշխանական ԶԼՄ-ն այսօրվա Հայաստանում ամեն բան գրելու ինդուլգենցիա ունեն, բայց կան բաներ, որ իսկապես անթույլատրելի են»։
Ինչպես ավելի ուշ պարզվեց, Ծառուկյանի նկատմամբ քրեական հետապնդում է հարուցվել առաձնապես խոշոր չափերի հարկերից խուսափելու հոդվածով։ Նրա պաշտպանը բարձրաձայնել է այն մասին, որ Դատախազությունը չի դիմել ԿԸՀ և ԱԺ ընտրություններում պատգամավորի թեկնածու Ծառուկյանի անձեռնմխելիությունը չի հաղթահարվել։
Արաքս Մամուլյան
