22.10.2026 | 22:20
Կասեցվել է «Աշտարակ միլկ»-ի երկու արտադրատեսակների արտադրությունը
Ինչ նպատակով է Ծառուկյանը ցանկացել մեկնել ՀՀ-ից. պարզաբանում է խոսնակը
Քաղաքականություն
09.06.2026 | 16:14
«Բարգավաճ Հայաստան» կուսակցության խոսնակ Իվետա Տոնոյանը հերքել է տեղեկությունները, թե ԲՀԿ ղեկավար Գագիկ Ծառուկյանը փորձել է լքել երկիրը։ Նրա խոսքով՝ Ծառուկյանը տիկնոջ հետ նախապես պլանավորված կարճատև անձնական այց ուներ, սակայն օդանավակայանում առաջացած ճշտումների անհրաժեշտությունից հետո հրաժարվել է ուղևորությունից և վերադարձել տուն։
«Իշխանական քարոզչամեքենան ահասարսուռ վերնագրերով աղաղակում է, թե «Գագիկ Ծառուկյանը փորձել է լքել երկիրը»։ Իսկ հիմա ներկայացնում եմ իրականությունը։ Գագիկ Ծառուկյանը տիկնոջ հետ վաղօրոք պլանավորած 2-3 օրյա այց ուներ՝ խիստ անձնական ու ընտանեկան նպատակներով։ Սա է ամբողջ պատմությունը։ Երբ օդանավակայանում անձնագրային անցակետում Գագիկ Ծառուկյանին ասել են, որ ինչ որ բան պետք է ճշտեն՝ Ծառուկյանը պատասխանել է, որ որևէ բան ճշտել պետք չէ, և եթե դա պետք է այլ մեկնաբանության տեղիք տա, ապա ինքը հրաժարվում է ուղևորությունից և վերադառնում է տուն։ Ես հասկանում եմ, որ իշխանական ԶԼՄ-ն այսօրվա Հայաստանում ամեն բան գրելու ինդուլգենցիա ունեն, բայց կան բաներ, որ իսկապես անթույլատրելի են»,- գրել է Տոնոյանը։
Հիշեցնենք՝ քիչ առաջ լրատվամիջոցներում հրապարակվել էր լուսանկար, որ Գագիկ Ծառուկյանը ցանկացել է երկրից հեռանալ, սակայն օդանավակայանում թույլ չեն տվել։
Factor.am-ին Գլխավոր դատախազությունից հայտնել են, որ դատախազը հանրային քրեական հետապնդում է հարուցել Գագիկ Ծառուկյանի նկատմամբ՝ Քրեական օրենսգրքի 290-րդ հոդվածի 3-րդ մասի 2-րդ կետով (առանձնապես խոշոր չափերով հարկերից խուսափելը): Խափանման միջոց է ընտրված բացակայելու արգելքը:
