09.06.2026 | 21:24
Ադրբեջանը ծրագրում է Թուրքիայից KAAN կործանիչներ գնել
Ծառուկյանին թույլ չեն տվել ՀՀ-ից հեռանալ․ խոշոր չափերով հարկերից խուսափելու մեղադրանքով նոր քրեական վարույթ է հարուցվել
Հասարակություն
09.06.2026 | 15:57
Լուսանկարը՝ համացանցից
Դատախազը հանրային քրեական հետապնդում է հարուցել Գ.Ծ.-ի նկատմամբ՝ Քրեական օրենսգրքի 290-րդ հոդվածի 3-րդ մասի 2-րդ կետով (առանձնապես խոշոր չափերով հարկերից խուսափելը): Խափանման միջոց է ընտրված բացակայելու արգելքը: Այս մասին Factor.am-ին հայտնեցին Գլխավոր դատախազությունից։
Նշենք, որ խոսքը ԲՀԿ ղեկավար Գագիկ Ծառուկյանի մասին է։
Հիշեցնենք՝ քիչ առաջ լրատվամիջոցներում հրապարակվել էր լուսանկար, որ Գագիկ Ծառուկյանը ցանկացել է երկրից հեռանալ, սակայն օդանավակայանում թույլ չեն տվել։
Նրա թիմակիցներից Սուրեն Սուրենյանցը Factor.am–ին փոխանցեց, որ քրեական վարույթից տեղեկություններ չունի։
Հարցին՝ Ծառուկյանը երկրից դուրս գալու պլաններ ունե՞ր, թիմակիցը նշեց․ «Չեմ բացառում, որ երկրից կարճ ժամակով ցանկացել է դուրս գալ և վերադառնալ։ Երկրից դուրս գալու պլան ցանկացածս կարող ենք ունենալ։ Ես տեղյակ չեմ, որ այսօր պետք է մեկներ»։
Եվգենյա Համբարձումյան
