28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Եվրոպայի թոփ-5 լիգաների ակումբները հետաքրքրված են Նաիր Թիկնիզյանով․ գործակալ
09.06.2026 | 11:00
Հայաստանի ազգային հավաքականի և սերբական «Ցրվենա Զվեզդայի» պաշտպան Նաիր Թիկնիզյանի գործակալ Ալեքսանդր Կլյուևը հաստատել է տեղեկությունը, որ եվրոպական մի քանի ակումբների հետաքրքրված են 27-ամյա ֆուտբոլիստի ծառայություններով։
«Իսկապես, Նաիր Թիկնիզյանի նկատմամբ կա հետաքրքրություն Եվրոպայի թոփ-5 լիգաների ակումբների կողմից։
Հայաստանի հավաքականի հանդիպումներին ակումբների սկաուտների հնարավոր ներկայության վերաբերյալ ոչինչ ասել չեմ կարող»,- Կլյուևի խոսքը մեջբերում է Sport-express․ru-ն։
Ավելի վաղ լուրեր էին շրջանառվում, որ Նաիր Թիկնիզյանի ծառայություններով հետաքրքրված են ֆրանսիական «Լանսն», իտալական «Կոմոն», Ամստերդամի «Այաքսը» և հունական «Օլիմպիակոսը»։
Նաիր Թիկնիզյանը 2025թ․ ամռանը Մոսկվայի «Լոկոմոտիվից» է տեղափոխվել «Ցրվենա Զվեզդա», որի կազմում ավարտված մրցաշրջանում անցկացրել է 47 հանդիպում, խփել 1 գոլ, կատարել 7 գոլային փոխանցում, դարձել Սերբիայի չեմպիոն ու գավաթակիր։ Հայ պաշտպանի գործող պայմանագիրը նախատեսված է մինչև 2028թ․ հունիսի 30-ը։Transfermarkt-ը 7 միլիոն եվրո է գնահատում Թիկնիզյանի տրանսֆերային արժեքը։
