28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Կրիստիան Էրիկսենն ուշագնաց է եղել Դանիա-Ուկրաինա խաղի ժամանակ. ՏԵՍԱՆՅՈՒԹ
08.06.2026 | 11:15
Դանիայի հավաքականի կիսապաշտպան Կրիստիան Էրիկսենն ուշագնաց է եղել Ուկրաինայի հավաքականի դեմ ընկերական հանդիպման ժամանակ։
Դանիայի Օդենսե քաղաքում անցկացված խաղի 75-րդ րոպեին գերմանական «Վոլֆսբուրգի» 34-ամյա ֆուտբոլիստը կորցրել է գիտակցությունն ու ընկել խոտածածկին։ Էրիկսենը տեղափոխվել է հիվանդանոց, իսկ հանդիպումն անավարտ է մնացել։ Դանիացիները հաղթում էին 2։1 հաշվով։
Դանիայի հավաքականի մամուլի ծառայությունը հայտնել է, որ Էրիկսենն ուշքի է եկել, նրա կյանքին վտանգ չի սպառնում։
Հիշեցնենք, որ 2021 թվականին Կրիստիան Էրիկսենը Եվրոպայի առաջնության ժամանակ սրտի կանգ էր ունեցել Ֆինլանդիայի հավաքականի դեմ խաղի ժամանակ։ Դրանից հետո նրա կրծքավանդակում տեղադրվել էր կարդիովերտեր-դեֆիբրիլյատոր, որը կանխում է կյանքին սպառնացող սրտային առիթմիաները և սրտի կանգը։
