Քաղաքականություն
29.05.2026 | 16:05
ԵՏՄ երկրների ղեկավարները հայտարարություն են ընդունել Հայաստանի վերաբերյալ։ Այս մասին հայտարարել է Ռուսաստանի նախագահի օգնական Յուրի Ուշակովը։
Աստանայում այսօր անցկացվում է Եվրասիական տնտեսական բարձրագույն խորհրդի նիստը՝ նեղ և ընդլայնված կազմերով։ Մասնակցում են ԵՏՄ երկրները՝ Ռուսաստանը, Ղազախստանը, Բելառուսը, Ղրղզստանը և Հայաստանը, ինչպես նաև դիտորդ պետություններ՝ Ուզբեկստանը, Կուբան և Իրանը։
«Չորս առաջնորդների կողմից հայտարարություն է ընդունվել»,- լրագրողներին ասել է Ուշակովը՝ հավելելով, որ այն կհրապարակվի։
Նա նաև նշել է, որ Հայաստանի փոխվարչապետը փաստաթուղթը Երևան կտանի․ «Դա հաստատ է»։
ԵՏՄ երկրների ղեկավարները Աստանայում կայացած հանդիպման ժամանակ քննարկել են Հայաստանի՝ Եվրամիությանը միանալու ծրագրերը։ Ուշակովը հաստատել է դա։
Հիշեցնենք, որ ԵՏՄ նիստում Հայաստանը ներկայացրել է փոխվարչապետ Մհեր Գրիգորյանը։
Թարգմանությունը՝ Էմմա Չոբանյանի
