24.10.2026 | 19:14
Վթար Արենի բնակավայրի մոտ. փրկարարները հատուկ տեխնիկայի միջոցով վարորդին դուրս են բերել ավտոմեքենայից
Մերաբ Դվալիշվիլին հայտնել է՝ ինչու է հրաժարվել RAF-ում մենամարտել Արման Ծառուկյանի հետ
30.04.2026 | 16:58
UFC-ի նախկին չեմպիոն Մերաբ Դվալիշվիլին պատմել է, թե ինչու է հրաժարվել RAF (Real American Freestyle) լիգայում ազատ ոճի ըմբշամարտի կանոններով մրցել UFC-ի թեթև քաշային կարգի դասակարգման երկրորդ համար Արման Ծառուկյանի հետ։
«Ինձ առաջարկել են մենամարտել Արմանի հետ, բայց այդ մենամարտը իմաստ չունի։ Արմանն ինձանից երկու քաշային կարգով բարձր է։ Ես տեսա, թե ինչ արեց նա Յուրայա Ֆայբերի հետ և շատ հիասթափվեցի։
Ծառուկյանը միշտ հարգանքով է վերաբերվել ինձ, նա հիանալի մարտիկ է ու իմ հարևանն է Հայաստանից, որը ծնվել է Վրաստանում։
Ես մտածում էի մենամարտել Արմանի հետ, սակայն մենք բոլորս գիտենք, որ ըմբշամարտում նա գերազանցում է ինձ։ Եվ երբ քթիս պատռվածքը դարձյալ բացվեց, ես հրաժարվեցի այդ մենամարտից»,- Արիել Հելվանիի հետ հարցազրույցում ասել է վրացի մարտիկը։
Արման Ծառուկյանը և Մերաբ Դվալիշվիլին մասնակցելու են մայիսի 30-ին Դալասում կայանալիք RAF 09 մրցաշարին։ Հայ մարտիկն ազատ ոճի ըմբշամարտի կանոններով մրցելու է ամերիկացի ըմբիշ ու բլոգեր Քիլոն Ջիմիսոնի (Mugzy) հետ, իսկ Դվալիշվիլիի մրցակիցը լինելու է ամերիկացի Ֆրենկ Էդգարը։
