28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Ռուսական զորքերը զանգվածային հարված են հասցրել Օդեսային. վիրավորվել է 18 մարդ
30.04.2026 | 11:41
Ռուսական զորքերն ապրիլի լույս 30-ի գիշերը զանգվածային հարձակում են իրականացրել Օդեսայի վրա, որի հետևանքով վիրավորվել է 18 մարդ, հայտնում է Օդեսայի շրջանի ոստիկանությունը, գրում է Current time-ը։
Քաղաքի ռազմական վարչակազմի ղեկավար Սերգեյ Լիսակի տեղեկացմամբ՝ երկու մարդ ծանր վիճակում վերակենդանացման բաժանմունքում է, բժիշկները պայքարում են նրանց կյանքը փրկելու համար։ Մեկ մարդ հոսպիտալացվել է վնասվածքաբանության բաժանմունք։
Քաղաքում վնասվել են բազմահարկ և մասնավոր տներ, մանկապարտեզ, հյուրանոց, կայանատեղի և այլ ենթակառուցվածքներ, ինչպես նաև ավտոբուսներ և մեքենաներ: Ամենաշատ վնասները, ըստ Լիսակի, գրանցվել են կենտրոնական Պրիմորսկի շրջանում: Այստեղ, մասնավորապես, վնասվել են բազմահարկ շենքեր, հինգ հարկանի բնակելի շենքի վերին հարկերում և տանիքում ուժեղ հրդեհ է բռնկվել, սակայն փրկարարներին հաջողվել է այն մեկուսացնել:
Ուկրաինայի ռազմաօդային ուժերի տվյալներով՝ ապրիլի լույս 30-ի գիշերը ռուսական ուժերը հարձակվել են Ուկրաինայի վրա «Իսկանդեր-Մ» բալիստիկ հրթիռով և 206 հարվածային անօդաչու թռչող սարքերով, որոնցից 172-ը չեզոքացվել են։
Ուկրաինայի իշխանությունները և միջազգային կազմակերպությունները քաղաքացիական ենթակառուցվածքների և քաղաքացիական բնակչության վրա հարվածները որակում են որպես Ռուսաստանի կողմից կատարված ռազմական հանցագործություններ, մինչդեռ Ռուսաստանի իշխանությունները հերքում են դա՝ պնդելով, որ հարձակումներն ուղղված են ռազմական օբյեկտներին։
Թարգմանությունը՝ Էմմա Չոբանյանի
