17.08.2026 | 12:52
Եվս 3 հայ բռնցքամարտիկներ երիտասարդական ԵԱ-ի 1/4 եզրափակիչում են
Վանաձորում կանխվել է սպանության փորձ, ձերբակալվել է զինված խումբ. ՆԳՆ
Հասարակություն
29.04.2026 | 23:06
Վանաձորում քրեական ոստիկանության ծառայողները կանխել են սպանության նախապատրաստություն․ մի խումբ երիտասարդներ, ունենալով թշնամական հարաբերություններ 36-ամյա համաքաղաքացու հետ, ծրագրել էին նրա սպանությունը, սակայն օպերատիվ գործողությունների արդյունքում վնասազերծվել են։ Այս մասին տեղեկացնում են ՆԳՆ-ից։
Դեպքի վերաբերյալ փաստական տվյալներ ձեռք են բերվել ապրիլի 17-ին՝ ՀՀ Քրեական ոստիկանության Լոռու մարզի ծառայողների կողմից իրականացված միջոցառումների արդյունքում։ Պարզվել է, որ Վանաձորի բնակիչ մի խումբ երիտասարդներ նախնական համաձայնությամբ ոչ միայն պատրաստվել են սպանության, այլև ծրագրել են ավազակային հարձակումներ և բնակարանային գողություններ։
«Քրեական գործը նախաձեռնվել է ապրիլի 18-ին՝ ՀՀ Քննչական կոմիտե-ի Լոռու մարզային քննչական վարչությունում։
Ապրիլի 26-ին ոստիկանները պարզել են, որ կասկածյալները «Միցուբիշի» մակնիշի ավտոմեքենայով շարժվում են դեպի քաղաքի Անդրանիկի փողոց՝ իրենց մոտ ունենալով ապօրինի հրազեն։ Չենթարկվելով ոստիկանության օրինական պահանջներին՝ նրանք փորձել են փախուստի դիմել, սակայն հետապնդման արդյունքում ձերբակալվել են։
Անձնական խուզարկությամբ նրանցից մեկի մոտ հայտնաբերվել է մարտական ատրճանակ՝ լիցքավորված 11 փամփուշտով։ Հետագա խուզարկությունների ընթացքում հայտնաբերվել են նաև տարբեր տեսակի զենք-զինամթերք։
Երեք անձ կալանավորվել է, մեկը՝ ձերբակալվել։ Իրավապահները շարունակում են միջոցառումները՝ հանցախմբի մյուս անդամներին հայտնաբերելու ուղղությամբ։ Նախաքննությունը շարունակվում է»,- ասվում է հաղորդագրությունում։
