29.04.2026 | 15:35
Բեռնատարների հայ վարորդների՝ ՌԴ-ում գտնվելու ժամկետները երկարաձգվել են
Ուկրաինական ԱԹՍ-ները հարձակվել են Պերմի և Օրենբուրգի մարզերի վրա. հաղորդվում է նավթավերամշակման գործարաններում հրդեհների մասին
Քաղաքականություն
29.04.2026 | 13:39
Ուկրաինական անօդաչու թռչող սարքը հարվածել է Պերմի քաղաքային շրջանի «արդյունաբերական օբյեկտներից մեկին», ինչի հետևանքով հրդեհ է բռնկվել։ Այս մասին հայտնել է Պերմի երկրամասի նահանգապետ Դմիտրի Մախոնինը, գրում է Meduza-ն։
Նա ասել է, որ տուժածներ չկան, և աշխատողները տարհանվել են։ Մախոնինը չի նշել, թե որ վայրի մասին է խոսքը։ Տեղական տելեգրամ ալիքներին հղում անելով՝ Astra-ն հաղորդում է, որ անօդաչու թռչող սարքերը թռչում էին Պերմի նավթավերամշակման գործարանի ուղղությամբ։
Ուկրաինական Exilenova+ տելեգրամ ալիքը հաղորդում է «Պերմ» գծային արտադրության կայանում («Տրանսնեֆտի» օբյեկտ) հրդեհի մասին։ Այս տեղեկությունը դեռևս հաստատված չէ։
Ուկրաինական անօդաչու թռչող սարքերը լույս ապրիլի 29-ի գիշերը նաև հարձակվել են Օրենբուրգի մարզի վրա, հայտնում է տարածաշրջանի ղեկավար Եվգենի Սոլնցևը։ Նա ասել է, որ թիրախավորվել են մի քանի արդյունաբերական օբյեկտներ, սակայն այլ մանրամասներ չի հայտնել։ Astra-ի վերլուծության համաձայն՝ հարձակման է ենթարկվել Օրսկի «Օրսկնեֆտեորգսինտեզ» նավթավերամշակման գործարանը։
Ռուսաստանի պաշտպանության նախարարությունը հայտնել է, որ լույս ապրիլի 29-ի գիշերը խոցել կամ որսացել են ուկրաինական 98 անօդաչու թռչող սարքեր։
Թարգմանությունը՝ Էմմա Չոբանյանի
