29.04.2026 | 14:33
Բաքվում Նիդերլանդների դեսպանը մեկնաբանել է երկրի խորհրդարանի կողմից Արցախի մասով ընդունված բանաձևը
Արման Ծառուկյանը հայտնել է՝ ինչու չի մասնակցելու Սպիտակ տան մրցաշարին
29.04.2026 | 13:19
UFC-ի թեթև քաշային կարգի դասակարգման երկրորդ համար Արման Ծառուկյանը պատմել է, որ ունեցել է Վաշինգտոնի Սպիտակ տանը կայանալիք UFC-ի մրցաշարին մասնակցելու հնարավորություն։
«UFC-ն ցանկանում էր, որ ես մենամարտեի Մայքլ Չենդլերի հետ։ Հետո նրանք հասկացան, որ դա վատ է Չենդլերի համար, քանի որ նա ներկայացնում է ԱՄՆ-ը, իսկ ես 99,9 տոկոսով հաղթելու էի նրան։ Այդ պատճառով նրան մրցակից ընտրեցին Մաուրիսիո Ռուֆիին։ Եթե ինչ-որ մեկը հրաժարվի այդ մենամարտից, UFC-ն կզանգի ինձ»,- ասել է հայ մարտիկը PBDs Podcast-ի եթերում։
Հիշեցնենք, որ Սպիտակ տան մրցաշարը տեղի կունենա հունիսի 14-ին։ Գլխավոր մենամարտում կմրցեն UFC-ի թեթև քաշային կարգի գործող չեմպիոն Իլյա Տոպուրիան ու ժամանակավոր չեմպիոն, ամերիկացի Ջասթին Գեյջին։
29-ամյա Ծառուկյանը UFC-ում նորամուտը նշել է 2019 թվականին, նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Խառը մենամարտերում Հայաստանի ներկայացուցիչը մասնակցել է 26 հանդիպման, տարել 23 հաղթանակ ու կրել 3 պարտություն։
