06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
ՊՍԺ-ն ու «Բավարիան» ՉԼ-ի ռեկորդ են սահմանել, Նոյերը հակառեկորդ է կրկնել
29.04.2026 | 11:47
Ֆրանսիական ՊՍԺ-ն ու Մյունխենի «Բավարիայի» Չեմպիոնների լիգայի կիսաեզրափակիչի հանդիպման արդյունավետության ռեկորդ են սահմանել, հաղորդում է ՈՒԵՖԱ-ի մամուլի ծառայությունը։
Փարիզում կայացած խաղում թիմերը միասին խփել էին 9 գոլ, ՊՍԺ-ն հաղթել էր 5։4 հաշվով։ Գլխավոր եվրագավաթում կիսաեզրափակիչի նախորդ ռեկորդը գրանցվել էր 1960 թվականին, երբ գերմանական «Այնտրախտը» հյուրընկալվելիս 6։3 հաշվով հաղթել էր շոտլանդական «Ռեյնջերսին»։
«Բավարիայի» գերմանացի դարպասապահ Մանուել Նոյերը սահմանել է հակառեկորդ։ Նա բաց էր թողել 5 գոլ ու կատարել 0 սեյվ։ Նախորդ անգամ Չեմպիոնների լիգայում նման անհաջող հանդիպում 2000 թվականին ունեցել էր Էդ դե Գույը, որը Լոնդոնի «Չելսիի» կազմում «Բարսելոնայի» դեմ խաղում բաց էր թողել 5 գոլ ու կատարել 0 սեյվ։
ՊՍԺ-ի ու «Բավարիայի» պատասխան հանդիպումը կկայանա մայիսի 6-ին Մյունխենում։
