10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Կարմիր անձնագիր՝ առանց Արարատի․ ինչ կտա այն․ ՏԵՍԱՆՅՈՒԹ
Քաղաքականություն
28.04.2026 | 18:52
Այս տարվա աշնանից Հայաստանում կենսաչափական նոր անձնագիրը կունենա կարմիր երանգ․ ինչո՞ւ հենց կարմիր․ վարչապետ Փաշինյանի խոսքով՝ Եվրոպական միության երկրներում այն ամենատարածվածներից է։
Ուշագրավ մի փաստ․ էջերից մեկում պատկերված է Խոր Վիրապ վանական համալիրը, բայց այնպիսի ռակուրսից, որ կադրում արտացոլված չլինի Արարատը։ Փոխարենը անձնագրում տեղ է գտել Արագած լեռան պատկերը։
Անձնական տվյալների էջը լինելու է ուղղահայաց, երրորդ էջում մաշտոցյան այբուբենն է, զարդանախշերում օգտագործվել են մեր դրոշի գույները։ Էջերում պատկերված է նաև Էջմիածնի Մայր տաճարը՝ որպես քրիստոնեության ընդունման խորհրդանիշ, որին հաջորդում են ժամանակակից պետականության սիմվոլները՝ Կառավարության շենքից մինչև Ազգային ժողով։
Փաշինյանի խոսքով՝ անձնագրերի ներդրմանը զուգահեռ սահմանային անցման կետերում կներդրվի առանց մարդկային կոնտակտի անցման մոդելը, ինչը կհեշտացնի սահմանի հատումը։ Ներքին գործերի նախարար Արփինե Սարգսյանն էլ ասում է, որ նոր ենթակառուցվածքը կնպաստի Եվրոպական միության հետ վիզաների ազատականացման գործընթացին, և մեր քաղաքացիները կկարողանան, այսպես ասած, ավելի արժանապատիվ ճամփորդել։
