10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Սալահն այլևս չի խաղա «Լիվերպուլի» կազմում
28.04.2026 | 14:57
Անգլիական «Լիվերպուլի» և Եգիպտոսի հավաքականի հարձակվող Մոհամեդ Սալահը վնասվածքի պատճառով բաց կթողնի ընթացիկ մրցաշրջանի վերջնամասը, հաղորդում է Beinsports-ը։
33-ամյա ֆուտբոլիստը մկանի պատռվածք է ստացել «Քրիսթալ Փելասի» դեմ Պրեմիեր լիգայի 34-րդ տուրի խաղում (3։1) ու փոխարինվել 59-րդ րոպեին։ Վերականգնման համար կպահանջվի առնվազն 4 շաբաթ։
Ավելի վաղ հայտնի էր դարձել, որ այս մրցաշրջանի վերջում Սալահն ազատ գործակալի կարգավիճակում հեռանալու է «Լիվերպուլից», որի կազմում խաղում է 2017 թվականից։
Ընթացիկ մրցաշրջանում հարձակվողն անգլիական ակումբի կազմում մասնակցել է 39 հանդիպման, դարձել 12 գոլի ու 9 գոլային փոխանցման հեղինակ։
