06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ռուսական զորքերը զանգվածային հարված են հասցրել Օդեսային. վիրավորվել է 11 մարդ, այդ թվում` 2 երեխա
Քաղաքականություն
27.04.2026 | 12:02
Ռուսական զորքերն ապրիլի լույս 27-ի գիշերը զանգվածային հարված են հասցրել Օդեսային, գրում է Current time-ը։ Օդեսայի տարածաշրջանային ռազմական վարչակազմի ղեկավար Օլեգ Կիպերը հայտնել է, որ վիրավորվել է 11 մարդ, այդ թվում՝ 2 երեխա։ Նրա խոսքով՝ քաղաքի երեք թաղամասերում վնասվել են բնակելի շենքեր և ենթակառուցվածքային օբյեկտներ, այդ թվում՝ հյուրանոց, ֆունիկուլյոր և պահեստներ։ Շատ շենքերում կոտրվել են պատուհաններ, վնասներ են գրանցվել նաև նավահանգստի տարածքում։
Պետական արտակարգ իրավիճակների ծառայությունը հայտնել է, որ բազմահարկ շենքին հարվածն ավերել է բնակարաններ, վնասել մասնավոր տուն և մեկ այլ բազմահարկ շենքի 15-րդ հարկի բնակարան, ինչպես նաև հրդեհել է մեքենաներ և ամառանոցներ։
«Գիշերը շատ ծանր էր։ Թշնամին զանգվածային հարձակում է իրականացրել Օդեսայի բնակելի թաղամասերի և քաղաքացիական ենթակառուցվածքների վրա»,- գրել է Օդեսայի քաղաքային ռազմական վարչակազմի ղեկավար Սերգեյ Լիսակը։
Ուկրաինայի ռազմաօդային ուժերի տվյալներով՝ ապրիլի լույս 27-ի գիշերը Ռուսաստանն Ուկրաինայի վրա 94 անօդաչու թռչող սարք է արձակել, խոցվել է դրանցից 74-ը։
«Գրանցվել է 20 հարձակողական անօդաչու թռչող սարքի հարված 15 վայրերում, ինչպես նաև 11 վայրերում խոցված ԱԹՍ-ների անկում»,- ասվում է հայտարարության մեջ։
Թարգմանությունը՝ Էմմա Չոբանյանի
