02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Գարիկ Կարապետյանը` Եվրոպայի եռակի չեմպիոն, Սիմոն Մարտիրոսյանը մեդալ չնվաճեց
25.04.2026 | 20:38
Գարիկ Կարապետյանը (110 կգ) նվաճեց Վրաստանի Բաթումի քաղաքում ավարտին մոտեցող ծանրամարտի Եվրոպայի առաջնության չեմպիոնի կոչումը։
22-ամյա հայ ծանրորդը երկամարտում գրանցեց 415 կգ (189+226) արդյունք։ Պոկում վարժությունից հետո Կարապետյանը երրորդն էր, իսկ հրում վարժությունում գրանցեց լավագույն արդյունքը։
Երկրորդ տեղը գրաված Լուիս Ռոդրիգեսը (Ռումինիա) երկամարտում Գարիկ Կարապետյանին զիջեց 1 կգ, իսկ բրոնզե մեդալակիր դարձած Խրիստո Խրիստովը (Բուլղարիա)՝ 3 կգ։
Օլիմպիական խաղերի կրկնակի փոխչեմպիոն, աշխարհի և Եվրոպայի կրկնակի չեմպիոն Սիմոն Մարտիրոսյանը երկամարտի 398 կգ (183+215) արդյունքով գրավեց 6-րդ տեղը։
Գարիկ Կարապետյանը Եվրոպայի չեմպիոնի կոչումը նվաճել էր նաև 2023 ու 2025 թվականներին։
Եվրոպայի առաջնությունում Հայաստանը երկամարտում մեդալների թիվը հասցրեց 7-ի։ Ավելի վաղ Էմմա Պողոսյանը (60 կգ) նվաճել էր Եվրոպայի չեմպիոնի կոչումը, Եվրոպայի փոխչեմպիոն էին դարձել Ալեքսանդրա Գրիգորյանը (58 կգ), Գառնիկ Չոլաքյանը (60 կգ), Գոռ Սահակյանը (71 կգ) և Արա Աղանյանը (94 կգ), իսկ Մարտին Պողոսյանը (71 կգ) արժանացել էր բրոնզե մեդալի։
Հայաստանի հավաքականը ԵԱ-ին մասնակցում է 16 ծանրորդով՝ 8-ական տղամարդկանց ու կանանց պայքարում։ Հայաստանի վերջին ներկայացուցիչներ Տաթև Հակոբյանը (+86 կգ) և Վարազդատ Լալայանը (+110) մրցահարթակ դուրս կգան ապրիլի 26-ին։
