06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ինչ գործ բռնել եմ, միշտ ստացվել է, միայն 2021-ին չի ստացվել․ Ռոբերտ Քոչարյան․ ՏԵՍԱՆՅՈւԹ
Քաղաքականություն
25.04.2026 | 17:26
«Ես անցել եմ, նախագահ ժամանակ, երկու ընտրություններով։ Մտքովս չէր անցնում, որ ես կարող էի ասել, թե եթե ընտրվի ընդդիմությունը, ապա պատերազմ է սկսվելու»,- այս մասին Մասիսում իր համակիրների հետ հանդիպման ժամանակ ասաց ՀՀ 2-րդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։
«Չի եղել, մտքովս չէր անցնում։ Որովհետև այդպիսի հայտարարություններով դու քայքայում ես քո սեփական երկիրը։ Միգուցե ինչ-որ մի քանի քվե ավել ստանալու համար։ Հիմա առաջնորդի խնդիրը մի քիչ ավել քվե ստանալն է, թե՞ երկիրը կայուն պահելը։ Ժողովրդին հանգիստ վիճակում պահելը։
Այսօր պատերազմի թեման հրահրողը Նիկոլ Փաշինյանն է, ամենօրյա ռեժիմով, այս իշխանությունն է։ Եվ մի մարդ, եթե մի բան հարյուր անգամ ասում է, վերջում հարյուրմեկերորդ անգամ կարող է իսկապես դա լինի։ Եվ լինի իրենց պատճառով, իրենց մեղքով։ Որովհետև վախեցած մարդը միշտ փայ է դառնում, եթե թշնամիներ ունի, վախեցած մարդը այդ թշնամու փայ է դառնում»,-նշեց նա։
Քոչարյանի խոսքով՝ ինչ գործ բռնել է, միշտ ստացվել է՝ ամենից բարդ իրավիճակներում․ «Չի ստացվել մեր ուզածը՝ 2021 թվականին։ Ուրեմն, չենք հանգստանալու, մինչև այս հարցը վերջնական կետի չհասցնենք»։
Մանրամասները՝ տեսանյութում։
