03.11.2026 | 11:22
Ուկրաինական ԱԹՍ-ները հարվածել են Յարոսլավլի նավթավերամշակման գործարանին․ վիրավորվել է երկու աշխատակից
Ես դատում եմ և պատրաստ եմ այդ նույն դատով դատվել․ Փաշինյանը՝ քաղաքացուն․ ՏԵՍԱՆՅՈւԹ
Քաղաքականություն
25.04.2026 | 16:31
Մարալիկում վարչապետ Նիկոլ Փաշինյանին մոտեցած երիտասարդը հետաքրքրվեց՝ ոչ մեկ իրավունք չունի կաթողիկոսի դեմ արշավանք սկսել, ինչպե՞ս է վարչապետը նրա «հրաժարականը» պահանջում։ Ի պատասխան Փաշինյանն ասաց․ «Բայց կաթողիկոսը, երբ որ խորանի առաջ իր տված ուխտը դրժել է, դա նշանակում է՝ ինքը Աստծո հետ ուխտը դրժել է և խախտել է այն։ Դա պետք է արձանագրվի և հետևանք ունենա։
Դա էլ իրենց Սահմանադրությունն է։ Երբ որ երկրի քաղաքական ղեկավարությունը Սահմանադրությունը և բարեվարքության կանոնները խախտի, դրա համար իրենց հեռացնելու մեխանիզմներ կան։ Նույնն է վերաբերվում եկեղեցուն։ Որովհետև հնարավոր չի, Աստվածաշնչի մեջ ասում է՝ հնարավոր չի միևնույն ժամանակ ծառայել և՛ Աստծուն, և՛ մամոնային»։
Երիտասարդը ևս մեջբերում արեց Աստվածաշնչից․ «Աստվածաշունչը նաև ասում է՝ մի դատիր, որ չդատվես»։
«Մի րոպե, կիսատ ես ասում։ Աստվածաշունչը ասում է՝ մի դատիր, որ չդատվես, որովհետև ինչ դատով որ դատես, նույն դատով դատվելու ես։ Հիմա ես դատում եմ և պատրաստ եմ այդ նույն դատով դատվել»։
Մանրամասները՝ տեսանյութում։
