21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
«Բավարար առաջադիմություն ունեցող ուսանողների համար Ակադեմիական քաղաքում կրթությունը կլինի անվճար»․ Նիկոլ Փաշինյան․ ՏԵՍԱՆՅՈւԹ
Քաղաքականություն
25.04.2026 | 14:09
Մենք նաև բուհական համակարգում ենք բարեփոխումներ անում, և Ակադեմիական քաղաքն ենք ստեղծում, որտեղ, ի միջի այլոց, բավարար առաջադիմություն ունեցող բոլոր ուսանողների համար կրթությունը կլինի անվճար։ Այս մասին Մարալիկում հայտարարեց վարչապետ Նիկոլ Փաշինյանը։
«Մարզերի համար բուհերի գոյությունը կարևոր է։ Մենք նաև մեր միջազգային գործընկերների հետ խորհրդակցելով՝ եկել ենք այն եզրակացության, և նաև աշխարհի փորձն ենք ուսումնասիրել, և պարզել ենք, որ նույնիսկ այս մոդելներում, որտեղ կա ակադեմիական քաղաքի նման համակարգ, մարզերում նույնպես բուհերի անհրաժեշտություն առաջանում է, հատկապես մանկավարժական մասնագիտությունների գծով։
Մոտ ենք այն որոշմանը, որ մենք Ակադեմիական քաղաքին զուգահեռ կունենանք նաև մանկավարժական ուղղությամբ բուհեր մարզերում։ Պարտադիր չի, որ բոլոր մարզերում, բայց առնվազն որոշակի տրամաբանությամբ մենք դա կունենանք»,-նշեց նա։
Մանրամասները՝ տեսանյութում։
