24.10.2026 | 20:51
Երևան-Աշտարակ ճանապարհին բախվել են Opel-ը և բեռնատարը․ կան զոհեր և տուժածներ
Շատ էի ուզում հենց այս օրը չեմպիոն դառնալ և ստացվեց. Եվրոպայի չեմպիոն Էմմա Պողոսյանը՝ հաղթանակի մասին
24.04.2026 | 22:34
Ինչպես տեղեկացրել էինք, Հայաստանի ծանրամարտի հավաքականի անդամ Էմմա Պողոսյանը փայլուն ելույթ է ունեցել՝ նվաճելով Եվրոպայի չեմպիոնի կոչումը։
Ոսկե մեդալը նվաճելուց և պատվո հարթակին կանգնելուց հետո մարզուհին կիսվել է իր հույզերով ու տպավորություններով։
«Աննկարագրելի զգացողություններ են։ Երբ մոտենում էի ծանրաձողին, մտքումս միայն մեկ բան էր՝ պետք է բարձրացնեմ, պետք է արդարացնեմ սպասելիքները։ Սա երկար ու քրտնաջան աշխատանքի, անքուն գիշերների և մեծ նվիրումի արդյունք է», – նշել է չեմպիոնը՝ հավելելով, որ շատ էր ուզում հենց այս օրը չեմպիոն դառնալ։
Էմման առանձնահատուկ շնորհակալություն է հայտնել իրեն աջակցող թիմին և հաղթանակը նվիրել հայ ժողովրդին.
«Ուզում եմ իմ խորին երախտագիտությունը հայտնել մարզիչներիս, ովքեր վայրկյան անգամ չեն կասկածել իմ ուժերին և միշտ կողքիս են եղել։ Շնորհակալ եմ ընտանիքիս ու բոլոր այն մարդկանց, ովքեր էկրաններից այն կողմ կամ դահլիճում երկրպագում էին ինձ։ Այս ոսկե մեդալը միայն իմը չէ, այն մեր ողջ ազգինն է։ Հաղթանակս նվիրում եմ իմ հայրենիքին», – հավելել է Էմմա Պողոսյանը։
