27.07.2026 | 12:21
«Հիվանդանոցում եմ, ինձ լավ չեմ զգում»․ Հայկ Կոնջորյանի եղբայրը ծեծի է ենթարկվել
Չեննայում հարգանքի տուրք են մատուցել Հայոց ցեղասպանության զոհերի հիշատակին
Քաղաքականություն
24.04.2026 | 19:13
Ապրիլի 24-ին Հնդկաստանում ՀՀ դեսպան Վահագն Աֆյանը մասնակցել է Չեննայում կազմակերպված Հայոց ցեղասպանության 111-րդ տարելիցին նվիրված միջոցառմանը։
Դեսպանն ընդգծել է, որ Հայաստանը շարունակում է հետևողական աշխատանքը ցեղասպանությունների կանխարգելման միջազգային օրակարգում։ Նա հիշեցրել է, որ Հայաստանի ջանքերով դեկտեմբերի 9-ը ՄԱԿ-ի միջազգային օրերի ցանկում ընդգրկվել է որպես Ցեղասպանության հանցագործության զոհերի հիշատակի ու արժանապատվության և այդ հանցագործության կանխարգելման միջազգային օր։
Միջոցառումը տեղի է ունեցել Սուրբ Աստվածածին հայկական եկեղեցու տարածքում։ Ներկա է եղել Չեննայում ՀՀ պատվավոր հյուպատոս Շիվկումար Էաշվարանը, ելույթով հանդես է եկել տեղի հայ համայնքի ներկայացուցիչ Աշխեն Խաչատրյանը։ Այնուհետև տեղի է ունեցել ծաղկեպսակի տեղադրման և մոմավառության արարողություն։
Դեսպան Աֆյանն այցելել է նաև Չեննայում հայկական հետքեր պարունակող վայրեր, այդ թվում՝ Սուրբ Թովմաս լեռան բազիլիկ եկեղեցի, որտեղ պահպանվել են հայերեն գրառումներով գերեզմանաքարեր, եկեղեցական պատկերներ և հուշաքարեր։
