02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
Ռուսաստանը և Ուկրաինան գերիների են փոխանակել՝ 193-ը 193-ի դիմաց
Քաղաքականություն
24.04.2026 | 21:12
Ռուսաստանի Պաշտպանության նախարարությունը հայտնել է, որ Մոսկվան և Կիևը գերիների նոր փոխանակում են իրականացրել։ 193 զինծառայող վերադարձել է Ռուսաստան, նույնքանը՝ Ուկրաինա։
Փոխանակման գործընթացում միջնորդներ են եղել ԱՄՆ-ն և Արաբական Միացյալ Էմիրությունները, գրում է Meduza-ն։
Ուկրաինայի նախագահ Վլադիմիր Զելենսկին հաստատել է, որ փոխանակումը տեղի է ունեցել, և որ գերությունից վերադառնում է Ուկրաինայի զինված ուժերի 193 զինծառայող։ Նրանց թվում են Ուկրաինայի զինված ուժերի, Ազգային գվարդիայի, ոստիկանության, սահմանապահների և Պետական հատուկ տրանսպորտային ծառայության աշխատակիցներ։
«Նրանց թվում կան նրանք, որոնց դեմ Ռուսաստանը քրեական գործեր է հարուցել»,- հավելել է Զելենսկին։
Գերիների փոխանակման նախորդ փուլը տեղի էր ունեցել ապրիլի 11-ին: Ուղղափառ Զատկի տոնի նախօրեին (նշվում է ապրիլի 12-ին) կողմերը միմյանց էին փոխանցել էին 175 զինծառայողի և 7 քաղաքացիական անձի: Միջնորդ էր հանդես եկել ԱՄԷ-ն:
Թարգմանությունը՝ Էմմա Չոբանյանի
