14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Հայոց ցեղասպանության թանգարան-ինստիտուտում նոր ցուցադրություն է բացվել
24.04.2026 | 17:40
Հայոց ցեղասպանության թանգարան ինստիտուտում բացվել է նոր ժամանակավոր ցուցադրություն՝ նվիրված ցեղասպանությունը վավերագրած հայ մտավորականներին ու հոգևորականներին։
«Արմենպրես»-ի հաղորդմամբ՝ այս մասին հայտնեց Հայոց ցեղասպանության թանգարան ինստիտուտի տնօրենի ժամանակավոր պաշտոնակատար Հրաչյա Թաշչյանը՝ հավելելով, որ անցած տարի ևս ապրիլի 24-ին ընդառաջ նման ժամանակավոր ցուցադրություն է բացվել։
«Անցյալ տարի ցուցադրությունը նվիրված էր օտարերկրյա այն անձանց՝ դիվանագետներ, մտավորականներ, լրագրողներ, հոգևորականներ, միսիոներներ, ովքեր առաջին վկայություններն են արել Հայոց ցեղասպանության մասին՝ փաստագրելով իրադարձությունները, տեղեկատվություն են հավաքել, կուտակել և հետո հրատարակել։ Այս տարի նույնը վերաբերում է այդ առաքելությունն իրականացրած հայ մտավորականներին, հոգևորականներին, ովքեր հենց առաջին տարիներին հավաքագրել են, այդ տեղեկատվությունը և փոխանցել սերունդներին»,-ասաց Թաշչյանը՝ մանրամասնելով, որ երկու ցուցադրություններն էլ այժմ ներկայացված են թանգարանում։
