02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
Իրանի ԱԳ նախարարն Իսլամաբադ կայցելի՝ ԱՄՆ-ի հետ խաղաղության բանակցությունները վերսկսելու
Քաղաքականություն
24.04.2026 | 18:09
Իրանի արտաքին գործերի նախարար Աբբաս Արաղչին պատրաստվում է մեկնել Իսլամաբադ՝ Պակիստանի միջնորդությամբ ԱՄՆ-ի հետ բանակցություններ վարելու համար։ Այս մասին հայտնում են մի քանի լրատվական գործակալություններ, այդ թվում՝ AFP-ն, AP-ն և Reuters-ը, հղում անելով անանուն պակիստանյան աղբյուրներին, փոխանցում է DW-ն։
Իրանի պետական լրատվամիջոցներն էլ հայտնում են, որ Արաղչին կմեկնի Իսլամաբադ, Մուսկատ և Մոսկվա։
Ուրբաթ ավելի վաղ Իրանի արտաքին գործերի նախարարը հեռախոսազրույց էր ունեցել Պակիստանի բարձրաստիճան պաշտոնյաների հետ։
Մինչ այս, Իրանը պատվիրակություն չէր ուղարկել Պակիստան՝ վերսկսված բանակցությունների համար, այն բանից հետո, երբ այս ամսվա սկզբին կնքված առաջին փուլը հանգեցրեց անհանգիստ հրադադարի, որն ընդհատվել է շարունակական լարվածությամբ, մասնավորապես՝ Հորմուզի նեղուցում։ Բանակցությունների հաջորդ փուլը նախապես նախատեսված էր երեքշաբթի, սակայն տեղի չունեցավ, քանի որ Իրանը հայտարարեց, որ պատրաստ չէ պատվիրակների ուղարկել։
ԱՄՆ նախագահ Դոնալդ Թրամփը միակողմանիորեն հայտարարել է հրադադարի երկարաձգման մասին՝ բանակցություններին ավելի շատ ժամանակ տրամադրելու համար։ Դրան զուգահեռ, սակայն, նա հայտարարում է, օրինակ, Հորմուզի նեղուցում ականապատող բոլոր նավակների վրա «կրակելու և սպանելու» հրամանի մասին։
Թարգմանությունը՝ Էմմա Չոբանյանի
