25.10.2026 | 13:21
ՀՀ-ում աշխատատեղերի խնդիր չկա. տաջիկներ, հնդիկներ, պարսիկներ են աշխատում. Ստեփանավանում ՔՊ-ի թեկնածու. ՏԵՍԱՆՅՈՒԹ
Ըմբշամարտի ԵԱ. Վազգեն Թևանյանը և Մանվել Խնձրցյանը կիսաեզրափակիչում են․ ՏԵՍԱՆՅՈՒԹ
24.04.2026 | 15:16
Ալբանիայի մայրաքաղաք Տիրանայում մեկնարկած ազատ ոճի ըմբշամարտի Եվրոպայի առաջնության առաջին մրցումային օրը պայքարի մեջ են մտել Հայաստանի 4 ներկայացուցիչներ, որոնցից երկուսը դուրս են եկել կիսաեզրափակիչ։
Մանվել Խնձրցյանը (57 կգ) պայքարը սկսեց որակավորման փուլից ու 12:6 հաշվով հաղթեց գերմանացի Հորսթ Լեռին, իսկ երկրորդ գոտեմարտում ժամանակից շուտ 12:1 հաշվով վստահ հաղթանակի հասավ ռումինացի Ռազվան Կովաչի նկատմամբ ու դուրս եկավ կիսաեզրափակիչ։
Երեկոյան մրցահերթում Խնձրցյանը եզրափակիչի ուղեգիրը կվիճարկի Ռուսաստանի ներկայացուցիչ Մուսա Մեխտիխանովի հետ։
Վազգեն Թևանյանը (65 կգ) որակավորման փուլում 5:2 հաշվով հաղթեց Ֆրանսիայի ներկայացուցիչ Խամզատ Արսամերզուևին, իսկ քառորդ եզրափակիչում 2:1 հաշվով ուժեղ գտնվեց Բուլղարիան ներկայացնող Շամիլ Մամեդովից։
Կիսաեզրափակիչում Թևանյանը կմրցի ռուսաստանցի Բաշիր Մագոմեդովի հետ։
Դավիթ Մարգարյանը (70 կգ) մեկնարկեց ուկրաինացի Ալեքսանդր Բորուտայի հետ գոտեմարտով ու պարտվեց 3:6 հաշվով։
Հրայր Ալիխանյանը (79 կգ) որակավորման փուլում 0:6 հաշվով պարտություն կրեց ռուսաստանցի Ախմեդ Ուսմանովից:
Հայաստանի հավաքականի կազմում մրցավայր են մեկնել նաև Արսեն Հարությունյանը (61 կգ), Նարեկ Հարությունյանը (74 կգ), Մուշեղ Մկրտչյանը (92 կգ) և Խաչատուր Խաչատրյանը (125 կգ), որոնք պայքարը կսկսեն ապրիլի 25-ին։
