06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Հայաստանը չունի տարածքային նկրտում հարևան որևէ երկրի նկատմամբ. Նարեկ Կարապետյան․ ՏԵՍԱՆՅՈՒԹ
Քաղաքականություն
24.04.2026 | 12:52
Հայաստանը տարածքային նկրտում չունի տարածաշրջանային որևէ երկրի հանդեպ։ Այս մասին Ծիծեռնակաբերդի հուշահամալիրում լրագրողների հետ զրույցում ասաց «Ուժեղ Հայաստան» կուսակցության անդամ Նարեկ Կարապետյանը։
«Հայոց Ցեղասպանության ճանաչումը և տարածքային նկրտումները երկու տարբեր բաներ են։ Մեզ պետք է Հայոց Ցեղասպանության ճանաչումը՝ որպես արդարության վերականգնում։ Հայաստանի Հանրապետությունը չունի տարածքային նկրտում հարևան որևէ երկրի նկատմամբ։ Արևմտյան Հայաստանը մեր հայրենիքն է, բայց Հայաստանի Հանրապետությունը չունի որևէ տարածքային նկրտում։ Արցախը՝ Լեռնային Ղարաբաղի Հանրապետությունը, անկախ միավոր է միշտ եղել և Հայաստանի մաս չի կազմել»,- ասաց նա։
Միաժամանակ Նարեկ Կարապետյանը նշել է, որ իրենց թիմի նպատակն է այս պահին ապահովել արցախահայերի՝ իրենց հայրենիք անվտանգ վերադառնալու իրավունքը։
«Մեզ պետք է ունենալ ուժեղ երկիր, որպեսզի այս տարածաշրջանում՝ բազմաթիվ քամիներով անցնող բարդ տարածաշրջանում, մենք կարողանանք երկարաժամկետ լինել գործոն»,- ընդգծեց Կարապետյանը։
Մանրամասները՝ տեսանյութում։
