24.04.2026 | 19:17
Ըմբշամարտի ԵԱ. Թևանյանը և Խնձրցյանը կգոտեմարտեն բրոնզե մեդալի համար
Ադրբեջանում Պետական զորահավաքային ծառայության ութ պաշտոնյա է ձերբակալվել
Քաղաքականություն
24.04.2026 | 16:45
Ադրբեջանում ձերբակալվել է ութ պաշտոնյա, որոնք մեղադրվում են զինվորական ծառայությունը հետաձգելու համար կաշառք ստանալու մեջ։ Այս մասին հայտարարեել են Գլխավոր դատախազությունն ու Զորահավաքի և զորակոչի պետական ծառայությունը։
Ադրբեջանական լրատվամիջոցների փոխանցմամբ՝ հարուցվել են քրեական գործեր՝ Ադրբեջանի քրեական օրենսգրքի համապատասխան հոդվածներով:
Հաղորդվում է, որ Աղդաշի շրջանային բաժնի պետ Նուրլան Աբբասովը, նույն բաժնի զինվորական ծառայության զորակոչի բաժնի պետ Շախլար Ուսուբաևը և սպա Թալեհ Իսմայիլովը, ծառայության Սաաթլիի շրջանային բաժնի պետ Մուրադ Ահմեդովը, զորահավաքային պատրաստության և զորահավաքի բաժնի սպա Արազ Քերիմլին, Ջաբրայիլի շրջանային բաժնի պետի տեղակալ , զորահավաքային պատրաստության և զորահավաքի բաժնի պետ Նիյամ Մեդեցոյլուն, ինչպես նաև Գարադաղի շրջանային բաժնի զորահավաքային պատրաստության և զորահավաքի բաժնի սպաներ Էթիբար Ալիևը և Շամիլ Ալիևը մեղադրվել են Քրեական օրենսգրքի 311.3.1, 311.3.2 և 311.3.3 համապատասխան հոդվածներով (նախնական դավադրությամբ մի խումբ անձանց կողմից բազմիցս խոշոր չափի կաշառք ստանալը):
Բաքվի զինվորական դատարանի որոշումներով նրանց նկատմամբ խափանման միջոց է ընտրվել կալանքը։ Նրանք ազատվել են պաշտոններից։
Թարգմանությունը՝ Էմմա Չոբանյանի
