25.10.2026 | 21:36
Ստեփանավանում մասնակցությունը կազմել է 68.83%, Ֆիոլետովոյում՝ 25.39%․ ՏԻՄ ընտրությունների տվյալները՝ ժամը 20։00-ի դրությամբ
Նորաստեղծ, ընդդիմադիր ուժերի հետ ենք համագործակցելու. «Քոչարի ազգային վերածնունդ և ազգի զարթոնք». ՏԵՍԱՆՅՈՒԹ
Քաղաքականություն
23.04.2026 | 20:12
«Քոչարի ազգային վերածնունդ և ազգի զարթոնք» կուսակցությունը ընտրություններին մասնակցում է ինքնուրույն և ակնկալում է հավաքել ավելի քան 30 տոկոս ձայն։ Այս մասին ԿԸՀ-ի դիմաց լրագրողների հետ զրույցում ասաց կուսակցության հիմնադիր և վարչապետի թեկնածու Արտակ Սարգսյանը։
Հարցին, թե որտեղից է նման վստահությունը, նա պատասխանեց՝ «ժողովրդից»՝ հղում անելով ինչպես իրենց, այնպես էլ այլ սոցհարցումների արդյունքներ։
Խոսելով հնարավոր հետընտրական համագործակցությունից՝ կուսակցության հիմնադիրը նշեց, որ չեն համագործակցելու գործող իշխանության, և խորհրդարանական ընդդիմության հետ։ Սարգսյանի խոսքով՝ չեն դիտարկում համագործակցություն նաև առանձին քաղաքական ուժերի, այդ թվում՝ ԲՀԿ-ի և «Ուժեղ Հայաստանի» հետ՝ ընդգծելով, որ վերջիններիս չեն համարում իրական ընդդիմություն։
«Կտեսնենք, թե ինչ նորաստեղծ ուժեր են մասնակցում, և եթե իսկապես ընդդիմադիր լինեն, նրանց հետ կհամագործակցենք»,- ասաց «Քոչարի ազգային վերածնունդ և ազգի զարթոնք» կուսակցության վարչապետի թեկնածու Արտակ Սարգսյանը։
Մանրամասները՝ տեսանյութում։
