06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Եթե իշխանափոխության համոզմունք չունենայինք, ռեսուրս ու էներգիա չէինք ծախսի. Հակոբ Կարապետյան. ՏԵՍԱՆՅՈՒԹ
Քաղաքականություն
23.04.2026 | 18:48
«Նոր ուժ» կուսակցության թեկնածուների ցուցակը 87 անձից է բաղկացած։ Այս մասին ԿԸՀ-ից դուրս գալուց հետո հայտնեց կուսակցության անդամ Հակոբ Կարապետյանը։
«Կարող եմ նշել առաջին տասնյակը։ Ցուցակը բնականաբար գլխավորում է կուսակցության ղեկավարը՝ Հայկ Մարությանը։ Երկրորդ տեղում ես եմ՝ Հակոբ Կարապետյանը։ Երրորդ տեղում Նարե Արամյանը՝ Երևանի ավագանու անդամ, հայտնի հասարակական գործիչ։ Չորրորդ տեղում կրկին ավագանու անդամ Մուշեղ Հակոբյանն է՝ տեղեկատվական տեխնոլոգիաների մասնագետ։ Հինգերորդ տեղում Քրիստինա Վարդանյանն է՝ բժշկական գիտությունների թեկնածու, ավագանու անդամ։ Վեցերորդ տեղում Հովհաննես Մովսիսյան՝ տնտեսագետ։ Յոթերորդ տեղում ձեզ քաջ հայտնի Հովսեփ Կուբատյանը։ Ութերորդ տեղում Գրիգոր Հարությունյանը։ Իններորդ տեղում ավագանու անդամ, բժիշկ Արաքսյա Դիլանյանը։ Եվ տասներորդ տեղում խմբակցության փորձագետ Անդրանիկ Գինոսյանը»,-ասաց նա։
Կարապետյանի խոսքով՝ իրենց նպատակը իշխանափոխությունն է։
«Մենք դրա համար ենք մտնում ընտրապայքարի մեջ, և եթե այդպիսի համոզմունք չունենայինք, բնականաբար, ավելորդ էներգիա և այլ ռեսուրսներ չէինք ծախսի»,- նշեց նա։
Մանրամասները՝ տեսանյութում։
